राजेश हमाल तेश्रो लिङ्गी बनेको फिल्म ‘शकुन्तला’को अफिसियल टिजर सार्वजनिक भएको छ । टिजरमा यस्ता केहि संवाद छन् जुन संवादले हमालले नारीको रुप धारण किन गरे भन्ने प्रष्टिन्छ ।

‘मेरो यो लुक्स सम्पुर्ण नारीहरुको सम्मान हो’, टिजरमा हमालको यो सवाद समावेश छ । त्यसो त सुटिङको केहि तश्विर सार्वजनिक हुँदाको समयदेखि नै हमालको फरक गेटअपका कारण फिल्म चर्चामा छ ।दिनेश श्रेष्ठ निर्देशित फिल्मलाई भदौ १० मा रिलिज गर्ने तयारी स्वरुप प्रचार थाल्दै निर्माण टिमले टिजर आउट गरेको मिडिया संयोजक दिनेश सिटौलाले बताए ।फिल्म ‘शकुन्तला’मा हमालसँगै अनु शाह, किशोर खतिवडा, स्मृति श्रेष्ठ, रविन्द्र वस्नेत लगायत अभिनयमा छन् । महेश्वर खत्री र श्रृप्सा खत्री फिल्मका निर्माता हुन् ।