बैद्धिकतास हितको सौन्दर्यभन्ने नाराका साथ काभे्रका युवतीहरुमा रहेको अन्तर्निहित प्रतिभा प्रस्फुटन गराउने उद्देश्यले सञ्चालन भैरहेको काभ्रे लेडिज ट्यालेन्ट शो २०७३ (मिस काभे्र) को आठौं संस्करणको तयारी काभे्रस्थित बनेपामा भैरहेको छ ।
काभे्र जिल्लाको धुलिखेल, नाला, बनेपा पाँचखाल, पनौती, भैसीपाटी, साँगा भकुण्डे, शंखु आदि ठाउँबाट प्रतिस्पर्धीहरुले आबेदन फराम भरी उत्कृष्ट १० जना फाइनलका लागि छनौट भएका छन् । रेडियन्ट इभेन्ट म्यानेजमेन्ट एजेन्सीको आयोजना हुने यो प्रतियोगितामा १६ देखी २२ बर्ष उमेर समूहका अविवाहित युवतीहरुको सहभागिता छ । अन्तिम प्रतिस्पर्धा लागि छनोट भएका प्रतियोगीलाई कोरियोग्राफर राज फैजुले प्रशिक्षण दिइरहेका छन् । कार्यक्रममा व्यक्तित्व विकास, एक्टिङ, डान्स, उद्घोषण आदिका बारेमा प्रतियोगीहरुले प्रशिक्षण लिइरहेका छन् । प्रतियोगीता अन्तरगतको फोटोसुट ग्लामरस आइकन नेपालबाट सम्पन्न भैसकेको छ, जसबाट मिस फोटोजेनिक, पर्सनालिटी र स्माइल अवार्डको छनौट गरिने छ । आयोजक र प्रतियोगीहरुको तर्फबाट बनेपा स्थित बौद्ध बृद्धाश्रममा जाडोको न्यानो सामाग्रीका
साथै खानेकुरा पनि वितरण गरिएको थियो । अहिले प्रतिस्पर्धीहरु ग्राण्ड फिनालोका लागि व्यस्त छन्, कार्यक्रमको फाइनल आगामी पुस २ गते बनेपामा सम्पन्न हुदैछ ।