बराह ज्वेलरी इण्डष्ट्रिज प्रालि धरानले २३ औं वार्षिकोत्सव धरानमा भव्यताका साथ सोमबार सम्पन्न गरेको छ । वार्षिकोत्सवको अवसरमा तीनजना पत्रकारहरुलाई सम्मानित गरेको छ । सम्मानित हुनेमा पत्रकार रोहित राई, पत्रकार केशव घिमिरे, पत्रकार अनिता रसाइली रहेका छन् ।

उनीहरुलाई प्रालिका अध्यक्ष शिवकुमार लामिछाने, पूर्वाञ्चल क्षेत्रीय प्रशासक राजेश्वरमान सिंह, शाखा प्रमुख मानबहादुर दियालीले राई र घिमिरेलाई सम्मान पत्रसहित १५ हजार ५५५ रुपैया र रसाइलीलाई ११ हजार १११ रुपैया प्रदान गरिएको छ । यसै अवसरमा वार्षिक ग्राहक योजना अन्तर्गत बम्पर उपहार २६५८ औं ग्राहक नंम्बर भएका विष्णु माया लिम्वुलाई सुजुकी कम्पनीको ११२ सिसिको स्कुटीसमेत प्रदान गरिएको थियो, लिम्वु धरान १० निवासी हुन् । त्यस्तै ३९ सय १३ जना ग्राहकहरुलाई विभिन्न आर्कषक पुरस्कार वितरण गरिएको थियो । कार्यक्रममा तक्मेबुढा विल्शनबिक्रम राई र गायक हेमन्त रानाले प्रस्तुती दिनुभएको थियो । जसको प्रस्तुतीमा दर्शकहरुले भरपूर मनोरञ्जन लिएका थिए । वार्षिकोत्सवको पूर्वसन्ध्यामा वालवालिकाहरुको मनोरञ्जनलाई ध्यानमा राखि तयार गरिएको बराह बालसंसार, बराह फेमिली किचन र कृपा १६ डि थियटरको एकसाथ पूर्वाञ्चल क्षेत्रीय प्रशासक राजेश्वरमान सिंह द्वारा उद्घाटन गरिएको थियो । यसैबीच धरानका निर्वाचित मेयर उपमेयर लगायत जनप्रतिनिधिहरुलाई स्वागत सम्मानसमेत गरेको थियो ।