कात्तिकमा सौगात र नम्रताको ‘माछा माछा’
फिल्म ’माछा माछा’को प्रदर्शन मिति तय गरिएको छ । मंगलबार निर्माण पक्षले फिल्मको फस्र्टलुक पोस्टर सार्वजनिक गर्दै रिलिज पनि फाइनल गरिएको हो । सुनिल गुरुङको लेखन तथा निर्देशन रहेको फिल्म कार्तिक २९ गते रिलिज हुनेछ ।
सार्वजनिक पोस्टरमा सौगात मल्ल, विजय बराल र अनोज पाण्डेको समुह र माओत्से गुरुङको समुह छुट्टिएको छ । माओत्सेको समुहले समातेको क्रिकेटको ब्याट, बल र स्टम्प दर्शकमा कौतुहलता सृजना गर्छ । पोस्टरमा नायिका नम्रता श्रेष्ठलाई पनि स्थान दिइएको छ । फिल्ममा उनको पनि प्रमुख भूमिका रहेको पोस्टरले संकेत गर्छ ।
